Paghanga (para kay Padre Ferriols, SJ)

Sa iyong mga mahinahong salita
Sa iyong madasaling pagtahimik
Sa lakad na puno ng pag-iingat

Sa mga misteryosong ngiti
Sa laging saludong pagbati
Sa minsang pagbibiro (na pabasahin ako ng Griyego!)

Sa haba ng pasensiya
Sa pagpapakumbaba
Sa iyong pagkilala sa isang ‘ordinaryong’ nilalang

Pagkabighani…
Pagkamangha…
Paghanga…

23 June 04