paano na?

Paano na kung lilisanin mo na ako
Na walang pangakong magbabalik pa?

Paano na kung maghahanap ako ng kausap
Sa gitna ng gabi at hindi mo na ako papakinggan?

Paano na kung nanlalamig ang mga kamay ko
At wala akong ibang makakapitan?

Paano na kung sa tindi ng lungkot
Hindi ko mahanap ang iyong mga ngiti?

Paano na kung ako’y natatakot at
Hindi ko maramdaman ang yakap mong mahigpit?

Paano na kung ako’y nangungulila at hindi ko
Madama ang init ng iyong halik?

Paano na nga ba? Lagi na lang akong nag-iisa..

10 july 04