Parang kulang ang salita
para mailarawan ang tamis ng pagsuyo
ng isang nagmamahal sa kanyang minamahal

Parang kulang ang salita para mabigkas
ang kalaliman ng pag-ibig na
nanatiling misteryo
 
Parang kulang ang salita
para sa nag-uumapaw na kaligayahan
sa tuwi-tuwina

Parang kulang din ang salita sa
maligalig na pakikipagbuno sa
hindi inaasahan

Parang kulang din ang salita sa
lalim ng pait na madarama sa isang
pagkawala

Parang kulang din ang salita sa
paalam na walang hanggang
dusa at lungkot

Kulang ang salita sa kahit ano’ng nasabi na
pero hindi pa rin nasasabi…