yosi break

tahimik na pagtanaw
sa malawak na kawalan
hithit sa patpat at
hinanapan ng kahulugan
ang payapang binibigay ng
puting binubuga

sa pagkakatayo at
tahimik na kinalalagyan
kuliglig nagwawala
pagkatapos ng ulan
hanging malamig
na humahampas sa mukha

inuubos ang upos
sinasagad hanggang dulo
hilo sa usok na
nanunuot sa dugo
inapakan na ang bisyo
at ang sandaling katahimikan

28 july 04